Guds fire døtre er Sanning, Fred, Rettferd og Miskunn. Dei er kalla Guds døtre for å understreka deira nærleik til det guddommelege. I mellomalderen var Guds fire døtrer ein kjent figur, og ein finn dei i alt frå kyrkjeutsmykking til folkelege forteljingar. I dag er dei nesten ukjente, men Guds fire døtre var svært viktige då grunnlaget for den norske staten vart lagt med Landslova av 1274. For Magnus Lagabøter og dei andre som skapte Landslova måtte finna ein balanse mellom individet sine interesser og institusjonar sin styringslogikk. Dette gjorde dei med å bruka ein kort passasje frå Salme 85 Sanning, Fred, Rettferd og Miskunn, vidareutvikla i jødisk tradisjon, henta inn i den kristne kulturkrinsen på 1100-talet, utvikla i det lærde miljøet rundt Nidaros-domen på fyrste halvdel av 1200-talet, før dei kom inn i Landslova i 1274 og historia om dei skulle lesast høgt før det skulle avseiast dom i viktige saker.

(Foto: Hans Jørgen Brun)